Dynamite
„Dynamite“ — Janubiy Koreyaning „BTS“ oʻgʻil bolalar guruhining 2020-yil 21-avgustda chiqarilgan qoʻshigʻi. Qoʻshiq AQSHning Billboard Hot 100 chartlar roʻyxatida birinchi oʻrinni egallab, AQSh chartidagi koreys guruhining eng yuqori oʻrinni egallagan xiti boʻlgan.
Ushbu qoʻshiqning YouTubeʼdagi videosi dastlabki 24 soat ichida 101,1 million marta koʻrilgan, bu ushbu platforma uchun mutlaq rekord boʻlib, „Guinnes rekordlar kitobi“ ga kiritilgan.
„Dynamite“ guruhning toʻliq ingliz tilida yozilgan birinchi qoʻshigʻidir.
Tijoriy muvaffaqiyati
„Dynamite“ qoʻshigʻi AQShning Billboard Hot 100 chartlar roʻyxatida birinchi oʻrinda debyut qilgan. „BTS“ guruhi „Hot 100“ roʻyxatining eng yuqori pogʻonasida debyut qilgan birinchi janubiy koreyalik ijodkorga aylangan. Shuningdek, „Dynamite“ 265 000 nusxada yuklanib, Billboard Digital Song Sales chartida birinchi oʻrinni egallagan. Bu yuklanishlar soni 2017-yilda 353 000 tani tashkil etgan Taylor Swiftning „Look What You Made Me Do“ qoʻshigʻidan keyingi birinchi haftaning ulkan natijali ko‘rsatkichdir.
Mukofotlar va nominatsiyalar
63th Grammy Awards marosimida „Dynamite“ qoʻshigʻi „BTS“ guruhiga birinchi bor „Best Pop Duo/Group Performance“ (Eng yahshi guruh ijrosi) Grammy nominatsiyasini qoʻlga kiritishga hissa qoʻshgan va ular Recording Academy akademiyasi tomonidan tan olingan birinchi K-pop ijrochisiga aylangan. Trek Billboard Digital Songs chartida 1-oʻrinni uzoq haftalar davomida egallab turgani uchun rekordlar kitobiga kiritilgan. Shuningdek, qoʻshiq Janubiy Koreyada 32 ta musiqiy shou gʻolibligi boʻyicha rekord oʻrnatgan.
Manbalar
Havolalar
uz.wikipedia.org