Duvier Riaskos
Duvier Orlando Riaskos Barahona (ispancha: Duvier Orlando Riascos Barahona 1986-yil 26-iyun, Buenaventura, Valle del Kauka) – kelib chiqishi kolumbiyalik boʻlgan futbolchi. Hujumchi sifatida Kolumbiya va AQSH klublarida toʻp surgan.
Futbol karyerasi
Riaskos asli Kolumbiyalik boʻlgan va Amerika futbol akademiyasida tahsil olgan futbolchi. 2005-yilda u Kolumbiya chempionatida ilk professional klubi safida debyut qiladi, oʻsha yili Riaskos professional klub safida debyut golini uradi. 2006-yilda u „Real Cartagena“ jamoasiga ijaraga oʻtadi, ammo olti oy ichida u Amerikaga qaytadi.
2008-yilda Duvier Venesuelaning „Estudiantes de Merida“ klubiga oʻtadi. 17-avgust kuni Araguaga qarshi kechgan bahsda u yangi klubi safida oʻzining dastlabki debyut golini uradi. Riaskos yangi klubiga mamlakat kubogi finaliga chiqishga yordam beradi, turnir davomida u 12 ta gol uradi va klubning eng yaxshi toʻpurari boʻladi. 2009-yilning yozida u ijara asosida vatani Kolumbiyaning „Deportivo Kali“ klubiga oʻtadi. Shu yili 13-iyul kuni Envigadoga qarshi kechgan bahsda Riaskos yangi jamoasida debyut qiladi. 26-iyul kuni „Deportivo Pereyra“ ga qarshi oʻyinda Riaskos klubi uchun oʻzining birinchi golini uradi.
2010-yil yanvar oyida Riaskos „Once Caldas“ klubiga oʻtadi, lekin oradan biroz vaqt oʻtgach klub yangi hujumchini darhol Xitoyning „Shanxay Shenxua“ klubiga ijaraga beriladi. 27-mart kuni Changsha Gindega qarshi bahsda u Xitoy Superligasida debyut qildi. Nanchang Bayga qarshi oʻyinda Riaskos oʻzining klub safidagi birinchi golini urdi. Birinchi mavsumidayoq u 28 uchrashuvda 20 ta gol urdi va chempionatning eng yaxshi toʻpurari va Superliganing eng yaxshi futbolchisi unvonini qoʻlga kiritdi.
2011-yilning yozida Raiskos Meksikaning „Puebla“ klubiga ijaraga beriladi. 24-iyul kuni Atlasga qarshi oʻyinda Raiskos Meksika Primerasida Luis Garsiyaning oʻrniga ikkinchi boʻlimda tushadi va debyut qiladi. 31-iyul kuni „Pachuka“ ga qarshi bahsda Riaskos oʻzining yangi jamoasi safida ilk golini urdi. Puebla bilan olti oy davomida u 16 oʻyinda ishtirok etadi va 6 gol uradi.
Ijara muddati tugagach, hujumchini chempionat debyutanti Tixuana klubi sotib oladi. 2012-yil 7-yanvarda Monarkas Moreliyaga qarshi oʻyinda Raiskos yangi jamoasida debyut qiladi. 5-fevral kuni oʻzining sobiq jamoasi Pueblaga qarshi oʻyinda Riaskos yangi Tixuana uchun birinchi golini uradi. Birinchi mavsumida Raiskos Meksika chempioni boʻladi. 2013-yil 15-may kuni Libertadores kubogi doirasida oʻz klubi bilan ishtirok etadi va kubokning 1/8 finalida boʻlib oʻtgan Braziliyaning "Palmeyras" klubiga qarshi javob oʻyinida Raiskos gol uradi va bu Tixuanaga musobaqaning 1/4 finaliga chiqish imkonini beradi.
2013-yilning yozida Duvier Pachukaga koʻchib oʻtadi. 21-iyul kuni „Toluka“ ga qarshi oʻyinda u yangi klubida debyut qiladi. 31-avgust kuni boʻlib oʻtgan Monarkas Moreliyaga qarshi oʻyinda Riaskos jamoasi Pachuka uchun birinchi golini uradi. 2014-yil boshida Riaskos Monarcas Morelia jamoasiga transfer qilinadi. 4-yanvar kuni „Keretaro“ga qarshi bahsda u „shaftolilar“ (Monarcas Morelia) safida debyut qiladi. Ammo ilk golini 18-yanvar kuni UANLga qarshi oʻyind uradi. Shuningdek oʻsha yili u klubiga Meksika Superkubogini yutishda katta yordam beradi.
2015-yil boshida Riaskos Braziliyaning „Kruzeyro“ klubiga transfer qilinadi. Keyinroq 24-may kuni Ponte Pretaga qarshi oʻyinda u Braziliya A seriyasida debyut qiladi. Jamoa oʻsha yilning yozida koʻproq oʻyin tajribasiga ega boʻlish uchun Riaskosni ijara asosida Vasko da Gamaga berib yuboradi. 31-may kuni „Atletiko Mineiro“ ga qarshi oʻyinda u yangi jamoasida debyut qiladi. 20-iyun kuni Sport Resifega qarshi oʻyinda Riaskos Vasko da Gama uchun birinchi golini uradi. Mavsum oxirida klub asosiy ligadan chiqib ketdi, ammo Riaskos B seriyada Vasko klubida oʻynashda davom etadi va hatto klubga Karioka ligasida gʻalaba qozonishga ham yordam beradi. 2016-yilning yozida Riaskos Kruzeyroga qaytadi. 12-iyun kuni „Atletiko Mineiro“ga qarshi oʻyinda u „Kruzeyro“ safidagi oʻzining dastlabki golini uradi.
2017-yil boshida Riaskos vatani Kolumbiyaga qaytib, Millionarios bilan shartnoma imzoladi. 1-mart kuni „La-Equidad“ ga qarshi oʻyinda u yangi jamoasida debyut qiladi. 12-mart kuni Kali shahridan Amerikaga qarshi oʻyinda Riaskos Millionarios uchun oʻzining debyut golini urdi.
Yutuqlari
Jamoaviy yutuqlari
Shaxsiy yutuqlari
Manbalar
uz.wikipedia.org