Dutor o'rganish kitobi

„Dutor oʻrganish kitobi“ — oʻzbek musiqachisi Abdusamad Ilyosov qalamiga mansub dutor chalishni oʻrgatuvchi qoʻllanma. 1966-yil Toshkent shahrida „Oʻqituvchi“ nashriyoti tomonidan chop etilgan. Qoʻllanma „madaniy-oqartuv“ texnikumlar hamda musiqa bilim yurtlari uchun qoʻllanma oʻlaroq yozilgan.

Ilyosov dutor chalishda pardalararo tovush bezaklari va nola ohanglarini nota yozuvida koʻrsatish uchun yangi belgilarni ishlab chiqqan. Qoʻllanma nazariy va amaliy qismlarga boʻlingan. Amaliy qism, oʻz navbatida, toʻrt qisimga boʻlingan: 1) oddiy zarblar va sodda mashqlar va kuylar; 2) murakkabroq zarblar va kuylar; 3) torlarning joʻr boʻlishi va bezaklar, dutorning ashulaga joʻr boʻlishi; 4) fortepianoning dutorga joʻr boʻlishi va dutor kuylari.

Qoʻllanmani nashrga tayyorlashda quyidagi shaxslar ishtirok etgan: Islom Ahmedov — muharrir, Yu. Yevdokimov — musiqa muharriri, A. Ahmadjonov — badiiy muharrir, G. Masqudova — texnik muharrir, D. Galiyeva — musahhih. Kitob adadi — 5 000 nusxa.

Manbalar

Havolalar

uz.wikipedia.org