Dushanbe stadioni

Dushanbe stadioni hozirda Tojikistonning Dushanbe shahrida qurilayotgan futbol stadioni boʻlib, 2021-yilda ochilishi rejalashtirilgan edi. Oʻyingoh 30 000 tomoshabinni sigʻdira oladi.

Rejalar

Ob’ekt 9 gektardan ortiq maydonda barpo etilib, turli sport va madaniy tadbirlarni oʻtkazish uchun zamonaviy sharoitlar yaratiladi. Futbol maydonining maydoni 105x68 metrni tashkil qiladi. Stadion toʻrtta tribunadan iborat boʻlib, ular ikki qavatga joylashtiriladi.

Stadion hududida lift, elektr podstansiyasi, yongʻin oʻchirish havzasi, 2000 ta mashinaga moʻljallangan toʻxtash joyi kabi yordamchi inshootlarni qurish rejalashtirilgan. Mehmonlar uchun jami 448 oʻrinli alohida xonalar, 9 metrdan ortiq balandlikda sayr qilish uchun oʻyin maydonchalari va boshqa yordamchi inshootlar qurish rejalashtirilgan. Oʻyingoh hali bitmagan.

Manbalar

uz.wikipedia.org