DURGAPUR

---

DURGAPUR — Hindiston shimoli- sharqidagi shahar, Damodar daryosi bo’yida, G’arbiy Bengaliya shtatida. Aholisi 426 ming kishidan ziyod (1990-yillar o’rtalari). Muhim transport yo’llari tuguni. Hindistondagi eng yirik ko’mir-metallurgiya rayonining markazi. Metallurgiya kombinati, og’ir mashinasozlik, kimyo va maxsus po’lat tayyorlash zavodlari bor. Durgapur yaqinida Damodar gidroenergo sistemasining yirik to’g’oni qurilgan.

Manba

---

O'zbekiston Milliy Ensiklopediyasi