DURDI QILICH

DURDI QILICH (1886 – Toshhovuz viloyati Taxta tumani Xojaqumbat qishlog’i — 1950.14.12) — Turkmaniston xalq shoiri (1946), baxshisi va xalq og’zaki ijodining bilimdoni. Bolaligidan ko’zi ojiz bo’lgan. Baxshilardan Doston aytishni o’rgangan. Ijodi 1916 yildan boshlangan. 20-30-yillarda yozgan she’rlarida Turkmanistonning o’tmishi, qishloq mehnatkashlarining hayoti (“Eshakli”, “Chig’ir” va boshqalar), turkman ayollarining haq-huquqini himoya qilish masalalari o’z ifodasini topgan (“Tumorli”). “Xalqim”, “Xalqlar do’stligi” she’rlari 30-yillardagi turkman she’riyatining yuksak namunalaridan. 2-jahon urushi yillarida jangovar ruxda qo’shiqlar yaratib, kishilarni g’alabaga ruhlantirgan. She’r va qo’shiqlari, turkman va qoraqalpoq xalqlari o’rtasida keng tarqalgan.

Manba

O'zbekiston Milliy Ensiklopediyasi