DURBAN

DURBAN, Port-Natal —JAR ning sharqidagi shahar, Natal provintsiyasida. Hind okeani sohilidagi yirik port, yillik yuk ortib-tushirish 18 million tonna. Aholisi 720 ming kishidan ziyod (1990-yillar o’rtalari). Kimyo, neftni qayta ishlash, oziq-ovqat, to’qimachilik, oynasozlik, qog’oz, kemasozlik va kema ta’mirlovchi korxonalar, temir yo’l ustaxonalari mavjud. Natal provintsiyasi universiteti fakultetlari bor. Iqlim kurorti. Yevropaliklar Durbanga dastlab 1824 yilda kelib o’rnashgan.

Manba

O'zbekiston Milliy Ensiklopediyasi