Durazno

Durazno – Urugvayning Durazno departamentining poytaxti. Durazno Urugvayning eng markaziy shahri ekanligi bilan ajralib turadi. Bu shaharda 30 000 dan ortiq aholi istiqomat qiladi. Oʻtmishda Urugvayning poytaxti boʻlgan. Hozirgi poytaxti esa Montevideo shahri.

Geografiyasi

Shahar 5 va 41-yoʻnalishlar chorrahasida, departamentning janubida joylashgan boʻlib janubi-gʻarbda Flores va janubi-sharqda Florida boʻlimlari bilan chegaradosh hisoblanadi. Durazno shahri Flores departamentining poytaxti boʻlgan Trinidad shahridan 40 kilometr masofada joylashgan.
Shahar Rio Negro daryosining irmogʻi boʻlgan Yi daryosining janubiy qirgʻogʻida joylashgan.

Transporti

Shaharga xizmat koʻrsatuvchi Santa Bernardina xalqaro aeroporti Rio-Negro daryosining narigi tomonida joylashgan hamda shahar uchun kecha-yu kunduz xizmat qilib kelmoqda.

Tarixi

Shahar 1821-yil 12-oktabrda San-Pedro del Durazno nomi bilan Braziliya imperatori Pedro I ga ehtirom sifatida, hozirgi Urugvay hududi Braziliyaga Sisplatin provinsiyasi sifatida qoʻshib olingan bir paytda tashkil qilingan. Urugvay mustaqillikka erishgunga qadar u villa maqomini olgan edi. 1906-yil 13-iyulda 3041-sonli qonun bilan uning maqomi shaharga koʻtarildi.

Aholisi

2011-yilgi aholini roʻyxatga olish maʼlumotlariga koʻra, Durazno aholisi 34,368 kishini tashkil qildi.

Manba: Urugvay Milliy Universiteti.

Ibodat joylari

Madaniyati

San-Pedro de Durazno cherkovi shaharning ramzi hisoblanadi. Yongʻindan keyin uni muhandis Eladio Dieste temir gʻishtdan foydalangan holda qayta loyihalashtirdi. Plaza Independencia roʻparasida joylashgan. Urugvayning ichki qismidagi TEDxDuraznoda birinchi TEDx tadbiri oʻtkaziladi. Ushbu tadbir birinchi marta 2013-yilda tashkil etilgan.
Avliyo Pyotr cherkovining ichki qismi meʼmor Eladio Dieste tomonidan ishlab chiqilgan. Madaniy sohada 1973-yildan boshlab milliy va xalqaro ahamiyatga ega boʻlgan xalq festivali oʻtkazila boshlangan. Birinchi festival 1973-yil 9-fevral sanasida Urugvayning Durazno shahrida „Milliy folklor festivali“ nomi ostida boʻlib oʻtgan.