DUOXONLIK

---

DUOXONLIK — duo o’qish, dam solish bilan shug’ullanish. Islom an’analari bo’yicha Qur’oni Karim va xadisi shariflarda ko’rsatilgan muayyan duolar o’qib turiladi. Ayni vaqtda mantiqsiz, poyma-poy so’zlarni o’zicha o’qib dam solish hollari ham uchraydi. Islom dini nuqtai nazaridan bulardan birinchisi ruxsat etilgan bo’lib, uni to’g’ri o’qib, ko’rsatilgan tartibda ijro etish mumkin; ikkinchisi esa mutlaqo man etiladi va u bilan shug’ullanish firibgarlik, aldamchilik va gunoh hisoblanadi. Umuman Duoxonlik kasbi bilan kifoyalanib, jismoniy yoki akliy mehnat bilan shug’ullanmaslik shar’an salbiy xususiyatlardan biridir.

Manba

---

O'zbekiston Milliy Ensiklopediyasi