DUKAT

DUKAT (lotincha ducatus — gersoglik) — qadimgi kumush va oltin tanga (ba’zan, tsexin yoki Florin deb ham atalgan). G’arbiy Yevropaning bir qancha mamlakatlarida muomalada bo’lgan. Dukat dastlab Venesiyada (1140), keyinchalik ko’pgina g’arbiy Yevropa mamlakatlarida zarb etilgan. 1559— 1857 yillarda Germaniya va Avstriyaning davlat puli hisoblangan. Og’irligi 3,44 gramm atrofida. Gollandiyada 1875 yilgacha, Avstriya-Vengriya 20-asr boshlarigacha muomalada bo’lgan.

Manba

O'zbekiston Milliy Ensiklopediyasi