DROZDOVA GALINA VLADIMIROVNA

DROZDOVA GALINA VLADIMIROVNA (1955.13.1, Toshkent) — O’zbekiston Respublikasi xalq o’qituvchisi (1995). Toshkent pedagogika institutini tugatgan (1988). 1976 yildan Toshkent shahridagi 3-kechki, 151-maktabda rus tili va adabiyoti o’qituvchisi, 1979 yildan O’zbekiston maorif vazirligida mehnat ta’limi va kasbga yo’naltirish bo’yicha katta metodist, 1982 yildan Hamza tumanidagi 103-internat maktabda o’qituvchi-defektolog. U darslarda tikish-bichishdan nazariy bilimlar berish bilan birga, olingan bilimlarni amalda qo’llashga o’rgatadi. Noan’anaviy hamda ijodiy dars shakllaridan unumli foydalanadi. Yordamchi maktablarning 4—9-sinflari uchun “mehnat ta’limi” dasturi muallifi.

Manba

O'zbekiston Milliy Ensiklopediyasi