DREYF OQIM

DREYF OQIM (gollandcha drijveh — suzish, haydash) — shamol va oqim ta’sirida okean va dengiz suvi ustki qatlamining o’ziga xos harakatga kelishi. Ishqalanish ta’sirida suv dengiz tagiga tomon tusha boradi. Dreyf oqim nazariyasini F. Nansen yaratgan; bu nazariyani shved geofizigi va okeanografi V. Ekman 1906 yilda matematik yo’l bilan isbot qilgan. Yerning aylanishi natijasida Dreyf oqim dengiz yuzasida shimoliy yarim sharda 45° o’ngga, Janubiy yarim sharda 45° chapga buriladi. Dengiz tagiga chuqurlashgan sari oqim ko’proq burila boradi va muayyan chuqurlik (200 metr) da oqim suv yuzasidagiga nisbatan boshqacha yo’nalishda oqadi.

Manba

O'zbekiston Milliy Ensiklopediyasi