DRENAJ OQIMI — muayyan vaqt davomida melioratsiyalanadigan maydondan kollektor-drenaj tarmog’i (yoki uning qismlari) orqali chiqarib yuboriladigan suv hajmi (yoki sarfi); l/s, m3/s, m3/ ga b-n (oy, yil va boshqalar uchun) ifodalanadi. Drenaj oqimi miqdori gruntning suv o’tkazish imkoniyati, maydonni drenajlash darajasi, kollektor-drenaj tarmog’i chuqurligi, grunt suvlarining to’yinish sharoiti, drenaj: oqimi moduli mikdori va boshqa omillarga bog’liq. Sug’orma dehqonchilik zonalari uchun yerlarning qulay meliorativ holatini ta’minlovchi Drenaj oqimi miqdori sug’orishga berilgan suvning 15-35% ini yoki yiliga 1,5—10,0 m3/ga ni tashkil etadi. Drenajni loyihalashda Drenaj oqimi turli usullar bilan aniqlanadi. O’rtacha yillik va o’rtacha oylik Drenaj oqimi miqdori suv balansi hisoblari asosida topiladi. Ishlab turgan kollektor-drenaj tarmog’i tizimlarida Drenaj oqimi gidrometrik postlarda suv sarfini o’lchab yoki oqim moduli miqdorini topish maqsadida uning ayrim elementlari ishini o’rganish yo’li bilan aniqlanadi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish