Dovurxon Karomatov
Davurxon Fozil oʻgʻli Karomatov (1998-yil 25-oktyabrda tugʻilgan) — oʻzbek dzyudochisi-paralimpiyachi, 81 kg vazn toifasida ishtirok etadi. 2021-yilda XVI Yozgi Paralimpiya oʻyinlarida kumush medalni qoʻlga kiritdi. Osiyo chempionati, Gran-pri va Jahon kubogi bosqichlari gʻolibi va sovrindori.
Biografiyasi
2018-yilda Qarshi davlat universitetining jismoniy tarbiya fakultetiga oʻqishga kirgan. 2021-yilda Oʻzbekiston Respublikasi Prezidenti Shavkat Mirziyoyevning farmoni bilan Mard oʻgʻlon davlat mukofoti. Oʻsha yili Oʻzbekiston Prezidenti Shavkat Mirziyoyevning farmoni bilan Oʻzbekiston Respublikasida xizmat koʻrsatgan sportchi.
Faoliyati
2017-yili Toshkentda dzyudo boʻyicha koʻzi ojizlar va zaif koʻruvchilar oʻrtasida oʻtkazilgan Osiyo chempionatida 73 kilogramm vazn toifasida finalda hamyurti Feruz Sayidov yutqazib, kumush medalni qoʻlga kiritgan edi.
2019-yilda Toshkentda boʻlib oʻtgan dzyudo boʻyicha koʻzi ojizlar va zaif koʻruvchilar oʻrtasidagi Gran-prida 81 kg vazn toifasida ukrainalik dzyudochi Dmitri Soloveyni. Bokuda (Ozarbayjon) Gran-pri bosqichida u muvaffaqiyatini takrorladi va finalda ozarbayjonlik Husayn Rahimlini magʻlub etib, yana oltin medalni qoʻlga kiritdi. Atirauda (Qozogʻiston) dzyudo boʻyicha Koʻzi ojizlar va zaif koʻruvchilar oʻrtasida oʻtkazilgan Osiyo chempionatida u oʻz vazn toifasida yaponiyalik dzyudochi Aramitsu Kitazonu magʻlubiyatga uchratib, oltin medalni qoʻlga kiritdi.
2020-yilda Tbilisida (Gruziya) dzyudo boʻyicha Jahon kubogi bosqichida u oʻz vazn toifasida bronza medalini qoʻlga kiritdi. 2021-yilda Bokuda dzyudo boʻyicha koʻzi ojizlar va zaif koʻruvchilar oʻrtasida oʻtkazilgan Gran-prida u oʻz vazn toifasida oltin medalni qoʻlga kiritdi. Tokioda (Yaponiya) boʻlib oʻtgan Yozgi Paralimpiya oʻyinlarida oʻz vazn toifasida finalda ozarbayjonlik dzyudochi Husayn Rahimliga yutqazib qoʻydi va shu tariqa oʻyinlarning kumush medalini qoʻlga kiritdi.
Manbalar
uz.wikipedia.org