DOVUDBEK DUG’LAT

---

DOVUDBEK DUG’LAT, Amir Dovud (14-asr) — Amir Temurning xos mulozimi, safdoshi va lashkarboshisi va singlisi qutlug’ Turkon otoning eri. Sohibqironning ilk faoliyati davrida u bilan yelkama-yelka turgan, ko’p janglarida katta jasorat ko’rsatgan. 1370 yil Amir Temur Amir Husayn ustidan uzil-kesil g’alaba qozonganidan keyin Dovudbek dug’latga Samarqand voliyligini va devonbegi lavozimini bergan. 1374 yil martida Xorazmga, Jahongir Mirzoga qayliqlikka Sevinbeka (Xonzoda)ni keltirishga yuborilgan.

Manba

---

O'zbekiston Milliy Ensiklopediyasi