DOU TSZYAN-DE

DOU TSZYAN-DE (572-621) – Xitoyda Suy davlati zulmiga qarshi ko’tarilgan dehqonlar qo’zg’oloni (610— 624) ning rahbarlaridan biri. Shandun viloyatidagi qishloqlardan birining oqsoqoli bo’lgan vaqtida qo’zg’olonchilarga yordam bergani uchun ta’qib ostiga olinib, butun urug’-aymog’i qirib tashlangan. Shundan so’ng u 617-621 yillarda Xebey viloyatidagi qo’zg’olonga rahbarlik qilgan. Qo’zg’olonchilar qo’shini soni 100 ming kishidan ortgan. Qo’zg’olonchilar qo’l ostiga o’tgan hududlarda Dou Tsyan-De rahbarligida Sya nomli dehqonlar podsholigi o’rnatilgan. Suy davlati qulagach, Dou Tsyan-De qo’shinlari tan hukumatiga qarshi kurashgan. Janglardan birida yarador bo’lib, asir olingan va qatl etilgan.

Manba

O'zbekiston Milliy Ensiklopediyasi