“DOSTONFILM”

“DOSTONFILM” — kinostudiya. 1993 yilda ishga tushgan “Doston” davlat ijodiy ishlab chiqarish birlashmasi asosida 1996 yilda tashkil topdi. Shu yillar ichida studiyada “Avlodnoma”, “Uyg’onish”, “Shohizinda”, “Hur”, “Markaziy Osiyo — yadro qurolidan xoli zona” kabi hujjatli filmlar, Amir Temur 660 yillik tavalludiga bag’ishlangan 12 nomdan iborat turkum filmlar suratga olindi. Bu turkum filmlarni yaratishda M. Abzalov, M. Tuychiev, N. Abbosov, J. Qosimov, D. Salimov, X. Ibrohimov, N. Maxmudov va boshqalar jonbozlik ko’rsatdilar. Studiyaning badiiy rahbari — Davron Salimov.

Manba

O'zbekiston Milliy Ensiklopediyasi