Donzaleigh Abernathy
Donzaleigh Abernathy (talaffuzi: Donzali Abernati; 5-avgust, 1957-yil, Montgomery, Alabama, AQSh) — amerikalik aktrisa, yozuvchi va fuqarolik huquqlari boʻyicha aktivist.
Yoshligi
Abernathy Alabama shtatining Montgomery shahrida tugʻilgan va fuqarolik huquqlari harakati davrida Jorjiya shtatining Atlanta shahrida oʻsib ulgʻaygan. Abernathy Spring Street boshlangʻich maktabiga birlashadi va janubda ommaviy integratsiyani boshlaydilar. Abernathy qisqa vaqt davomida Northside Ijro sanʼati oʻrta maktabida oʻqiydi va keyin Pensilvaniya shtati, Bucks okrugidagi Quaker tayyorlov maktabida tahsil oladi.
Uning otasi fuqarolik huquqlari harakatining nufuzli rahbari Ralph Abernathy, onasi esa fuqarolik huquqlari faoli Juanita Abernatilardir. U ota-onasiga qoʻshilib, fuqarolik huquqlari harakatining koʻplab muhim voqealariga bevosita guvoh boʻladi. Uning oilasi fuqarolik huquqlari harakatining yana bir koʻzga koʻringan arbobi doktor Martin Luthter Kingning oilasiga juda yaqin edi. Abernathy va King bolalari maktabga birga borishgan, darsdan tashqari mashgʻulotlarni birgalikda bajarishgan, yakshanba kuni kechki ovqatlarni, taʼtil va turli bayramlarni birga oʻtkazishgan. Abernathyning oʻziga koʻra, har ikkala oilaning farzandlari oʻz ota-onalari uchun spektakllarni Lutherning qizlaridan biri Yolanda King bilan birga rejissorlik qilishgan va doktor King spektakllarni suratga olgan. Abernathy „haqiqatan ham oʻshanda aktyorlik faoliyatini boshlagan edim“, deya taʼkidlab oʻtgan. U aktyor/produser Dar Dixon Bijarchi bilan turmush qurgan.
Faoliyati
Bostondagi Emerson kollejini tugatgandan soʻng, Abernathy New-Yorkka koʻchib oʻtadi. U Off Off Broadway produseridagi roli uchun tinglovdan soʻng oʻzining birinchi ishiga kirishadi. Oʻshandan beri Abernathy koʻplab filmlar va teleseriallarda rol oʻynagan. " Gods and Generals " tarixiy dramasida u Marta ismli qul obrazini tasvirlaydi. Garchi filmning oʻzi tanqidchilar tomonidan yaxshi qabul qilinmagan boʻlsa-da, Abernathy oʻzining roli uchun maqtovga sazovor boʻladi. Bir sharhlovchining taʼkidlashicha, „Abernathyning Marta qiyofasi kuch va jozibani uygʻunlashtiradi“. U toʻrt yil davomida Lifetimening Any Day Now serialida muntazam rol oʻynab keladi. Janubning farzandi sifatida Abernathy fuqarolik huquqlari harakatidan qattiq taʼsirlangan. Natijada, u rol bilan shaxsiy darajada bogʻlana olish imkoniga ega boʻladi.
Donzaleigh Abernathyning taʼkidlashicha, u 2016-yilning may oyida AQShning „Shooter“ koʻrsatuvi uchun Omar Epps bilan suratga tushgan.
Filmografiyasi
Filmlarda
Televizion rollari
Kitoblari
Donzaleigh Abernathy 2001-yilda Smithsonian institutining „In the spirit of Martin: the living legacy of Dr. Martin Luther King, Jr.“ insholar kitobiga hissa qoʻshgan mualliflardan biri boʻlgan. Yozuvchi 2004-yilda „ Partners to history: Martin Luther King, Jr., Ralph David Abernathy, and the civil rights“ kitobini yozgan.
Manbalar
Adabiyotlar
Havolalar
uz.wikipedia.org