Donald Roy Pettit
Donald Roy Pettit (inglizcha: Donald Roy Pettit) 1955-yil 20-aprelda Amerika Qoʻshma Shtatlarining Oregon shtatida dunyoga kelgan. Amerikalik kimyo muhandisi va NASA astronavti. 2002, 2008 va 2011—2012-yillarda umumiy davomiyligi 369 kun 16 soat 41 daqiqa boʻlgan uchta kosmik parvozni amalga oshirgan. Umumiy davomiyligi 13 soat 17 daqiqa boʻlgan 2 ta kosmik yurish qilgan astronavt. Amerika Qoʻshma Shtatlarining 271-kosmonavti, 429-jahon kosmonavti hisoblanadi.
Biografiyasi
Donald Roy 1955-yil 20-aprelda Amerika Qoʻshma Shtatlarida Oregon shtatining Silverton shahrida dunyoga kelgan.
2006-yil noyabr oyidan 2007-yil yanvar oyiga qadar Antarktidada meteoritlarni qidirish va oʻrganish boʻyicha 6 oy davomida „ANtarctic Search for METeorites“ (ANSMET) ekspeditsiyasida ishtirok etgan. Pettit Antarktikada meteoritlarni qidirishda (ANSMET) qo'shilgach, olti hafta davomida Antarktika yozida meteorit namunalarini, shu jumladan oy meteoritini to'plagan. Shuningdek, u ekspeditsiya davomida qor avtomobilini favqulodda elektr ta'mirlash hamda shoshilinch stomatologik jarrohlik amaliyotini bajarishga chaqirilgan.
Xalqaro kosmik stansiyada bo'lgan bo'sh vaqtida u "Saturday Morning Science" deb nomlangan seriyada suyuqliklar juda past tortishish muhitida qanday reaksiyaga kirishishini ko'rsatuvchi namoyishlar tashkil qilgan.
Kosmik parvozlari
Amerika Qoʻshma Shtatlari astronavti Donald Royninh kosmosdagi ilk parvozi 2002—2003-yillarda amalga oshirilgan va umumiy davomiyligi 161 kun 1 soat 14 daqiqa 38 soniyani tashkil qilgan.
Ikkinchi parvozi
Kosmosga astronavt Donald Royning ikkinchi parvozi 2008-yilda boʻlgan va uning umumiy davomiyligi 15 kun 20 soat 29 daqiqa 27 soniyani tashkil qilgan.
Uchinchi parvozi
Koinotga uchinchi parvoz qilishi 2011—2012-yillarda amalga oshirilgan. Donald Royning bu safargi parvozi 192 kun 18 soat 58 daqiqa davom etgan.
Uchinchi parvozdan soʻng kosmosda boʻlishning umumiy davomiyligi 369 kun 16 soat 41 daqiqani tashkil qilgan.
Shaxsiy hayoti
Astronavt Mishel R. Racheff (Mishel R. Racheff) bilan turmush qurgan. Ularning ikki nafar farzandi bor.
Uning qiziqishlari: suratga olish, suzish. KD5MDT qoʻngʻiroq belgisi bilan radio havaskor hisoblanadi.
Manbalar
Havolalar
uz.wikipedia.org