Donald MacLean

Donald MacLean ( talaffuzi: Donald Maklin) (1977-yil 14-yanvarda tugʻilgan) — kanadalik xokkey murabbiyi va sobiq professional xokkeychi. Hozirda Donald MacLean „Sault Ste“ xokkey klubida yordamchi murabbiy boʻlib ishlamoqda. Donald MacLean faoliyati davomida Milliy Xokkey Ligasida (NHL) „Los Angeles Kings“, „Toronto Maple Leafs“, „Columbus Blue Jackets“, „Detroit Red Wings“ va „Phoenix Coyotes“ xokkey jamoalarida oʻynagan.

Oʻyin faoliyati

Donald MacLean 1990—1991-yillarda Quebec xalqaro Pee-Wee xokkey turnirlarida Shotlandiyaning Bedford shahridagi kichik xokkey jamoasi bilan oʻynagan.

Donald MacLean „Los Angeles Kings“ xokkey klubi safiga 1995-yilda NHLga kirish loyihasida 33-oʻrindagi tanlov asosida qoʻshildi. MacLean uch yilni Quebecning asosiy oʻsmirlar xokkey ligasida oʻsmirlar jamoasi uchun xokkey oʻynab oʻtkazdi. Ikkinchi yili Donald MacLean uchta turli jamoada („Beauport Harfangs“, „Laval Titan Collège Français“ va „Hull Olympiques“) oʻynadi. Donald MacLeanning NHLdagi debyut oʻyini 1997—1998-yilgi mavsumda „Los Angeles Kings“ xokkey klubi safida boʻldi. U yerda Donald MacLean 22 ta oʻyin oʻtkazib, beshta gol va ikkita golli uzatmani amalga oshirdi.

2000-yil 23-fevralda Donald MacLean „Los Angeles Kings“ xokkey jamoasi tomonidan „Toronto Maple Leafs“ xokkey klubi aʼzosi Craig Charron oʻrniga almashtirildi . Donald MacLean klub safida 2001—2002-yilgi mavsumni AHLning yetakchi toʻpurari sifatida tugatgandi. 2002-yil 17-iyulda Donald MacLean „Columbus Blue Jackets“ xokkey klubi bilan erkin agent sifatida shartnoma imzoladi.

2005-yil 24-avgustda Donald MacLean „Detroit Red Wings“ xokkey klubi bilan shartnoma imzolashga rozilik bildirdi. „Red Wings“ klubi safidagi ilk o‘yinida Donald MacLean „Edmonton Oilers“ xokkey jamoasiga qarshi o‘yinda Niklas Kronwallning uzatmasi orqali hisobni ochdi.

2005—2006-yilgi mavsumda Donald MacLean klub safida beshta xet-trik qayd etdi. Shuningdek, Donald MacLean mahorat tanlovida eng qiyin zarba yo‘nalishida g‘olib chiqdi. Donald MacLean mavsumni liganing MVP oʻyinchisi va ajoyib gol muallifi sifatida yakunladi.

Donald MacLean erkin agent sifatida 2006-yil 17-iyulda „Phoenix Coyotes“xokkey klubi bilan ikki yillik shartnoma imzoladi.

Shundan soʻng, Donald MacLean „Coyotes“ xokkey klubini tark etdi va Shveysariyaning „ZSC Lions“ xokkey jamoasi bilan 2007-yil 16-iyulda shartnoma imzoladi. Ammo Donald MacLean 2007-yil 9-dekabrda Avstriyaga joʻnab ketdi va „EC Salzburg“ xokkey jamoasi bilan shartnoma imzoladi. Keyin Donald MacLean „Salzburg“ xokkey klubiga EBEL ligasini yutishda yordam berdi.

2010-yil 18-avgustda Donald MacLean Xorvatiyaning „KHL Medveščak“ xokkey klubi bilan bir yillik shartnomaga imzo chekdi.

Murabbiylik faoliyati

2015-yil 29-iyunda Donald MacLean „Sault Ste“ xokkey klubi yordamchi murabbiyi etib tayinlandi.

Faoliyat statistikasi

Manbalar

uz.wikipedia.org