Donal Bisht
Donal Bisht hind aktrisasi va modeli bo'lib, asosan hind televideniyasida faoliyat olib boradi. U 2015-yilda "Airlines" seriyalida jurnalist rolini ijro etish bilan karyerasini boshlagan. Bisht "Ek Deewaana Tha" filmidagi Sharanya Bisht va "Roop - Mard Ka Naya Swaroop" filmidagi Ishika Patel obrazi bilan mashhur bo'lgan.
U 2020-yilda "Tia and Raj" seriyallarida roli bilan muhlislar qalbidan joy olgan. 2021-yilda Donal Bisht "Bigg Boss 15" teleshousida ishtirok etgan.
Yoshlik yillari
Donal 1994-yil 27-avgustda Rajastonning Alwar shahrida Jaisingh Bisht va Jasumati Bishtlarning oilasida tug'ilgan. Uning tug'ilgan joyi Uttarakhand shahri. Uning Ranjan Bisht ismli akasi bor.
U dastlab yangiliklarni doimiy berib boruvchi kanalda jurnalist bo'lib ishlagan.
Faoliyati
Dastlabki rollari (2015-2017-yillar)
Bisht malaylama tilidagi filmlarni ishlovchi "D Company"da faoliyat yuritdi. U 2015-yilda "Airlines"seriyalida jurnalist rolini ijro etgan. O'sha yili u Harshith Arora bilan birga Twist Wala Love antologiya seriyalida doktor Shelly Gaitonde rolini o'ynadi.
2016-yilda u “Gʻamxoʻrlik” deb nomlangan hind filmida Daisy rolini oʻynadi. 2015-yildan 2017-yilgacha u Kalash-Ek Vishwaasda Sakshi Deol Garewal rolini o'ynagan. Bu uning birinchi katta sahnalardagi rol ijro etishi edi. U shuningdek, "Aye Zindagi" epizodida Priyanka rolini ijro etgan.
Yutuq va muvaffaqiyatlari (2018-2020-yillar)
Bisht "Ek Deewaana Tha" filmi bilan muvaffaqiyatga erishdi. U filmda 2017-yildan 2018-yilgacha Namik Pol va Vikram Singh Chauhanga dushman bo'lgan Sharanya Bishtni rolini tasvirladi. 2018-yilda u Mrunal Jain bilan birga "Laal Ishq" epizodida Riya rolini o'ynadi.
2018-yildan 2019-yilgacha u Shashank Vyas bilan ishtirok etgan "Roop - Mard Ka Naya Swaroop" filmida qattiqqo'l qiz Ishika Patelni tasvirlagan. 2019-yilda u "Dil Toh Happy Hai Ji" filmida ham qatnashdi.
2020-yil Bishtning eng sermahsul faoliyat yili bo'ldi. U birinchi marta hind filmi "Pyaar Banam Khap Panchayat" filmida Ram Prasadning qizi sifatida rol ijro etdi. Keyin u 2020-yilda rejisyor Karan Sharma tomonidan suratga olingan "Duniya" qisqa metrajli filmida Donal rolini o'ynadi.
Keyin Bisht o'zining veb-seriyaldagi debyutini "Tia & Raj" filmida Akshat Saluja bilan birga qildi. Shuningdek, u quyidagi beshta musiqiy videoda suratga tushgan: "Bepata", "Alag Mera Yeh Rang Hain", "Teri Patli Kamar", "Betiyaan Pride of Nation" va "Fukrapanti".
Faoliyatining ko'tarilishi (2021-yildan hozirgi kungacha)
2021-yilda u “In The Month of July” deb nomlangan hind filmida suratga tushdi va suratga olinishi tugaganidan 7 yil oʻtib ekranga chiqdi. Keyin u "Kinni Vari" klipida paydo bo'ldi. U "The Socho Project" veb-serialida Sasha Pink rolini tasvirlagan.
2021-yil oktyabr oyida u "Bigg Boss 15" tanlovida ishtirokchi sifatida qatnashdi. Shouning 18-kuni oilasidagilar tufayli tanlovni tark etdi. 2022-yilda u Afsana Khan bilan "Nikaah" klipida suratga tushdi.
Bisht o'zining telugu va kannada tillaridagi ikki tilli "Dare To Sleep" filmida debyut qilishni rejalashtirmoqda. U "Zakhm" veb-serialida Gashmeer Mahajani bilan birga rol ijro etishi rejalashtirilgan.
Ommaviy axborot vositalarida
2019-yilda Bisht Hindistondagi eng mashhur ayollarni yillik reytingini berib boruvchi "The Times of India"ning reytingida 18-oʻrinni egalladi. 2019-yili u "Indian Television Academy Awards"da Anu Ranjanning "Beti bilan bo'l" shousida qatnashdi.
Filmografiyasi
Televizion
Filmlar
Veb-seriya
Musiqa videolar
Mukofotlar va nominatsiyalar
Yana qarang
Manbalar
Havolalar
uz.wikipedia.org