DOLUXANOVA ZARA

DOLUXANOVA ZARA (Zarsi Agasevna; 1918.15.3, Moskva) — opera va asosan kamer yo’nalishdagi arman xonandasi (messo-soprano). Armaniston (1952) va Rossiya (1956) xalq artisti. Yerevan opera va balet teatri (1939— 40), Butunittifoq radio va televideniyesi (1944 yildan), Moskva filarmoniyasida (1959 yildan) yakkaxon xonanda. Nihoyatda keng diapazonli ovoz sohibasi. Mukammal vokal texnika, nozik did va musiqiy ifodaviylik, o’ziga xos talqin Doluxanova ijrosiga xos. Yevropa, Amerika va Osiyo mamlakatlarida (jumladan, O’zbekistonda ham) bir necha marta gastrolda bo’lgan.

Manba

O'zbekiston Milliy Ensiklopediyasi