Doja Cat

Amala Ratna Zandile Dlamini (talaffuzi: Amala Ratna Zandile Dlamini; 21-oktabr 1995-yilda tugʻilgan) Doja Cat (talaffuzi: Doja Ket) taxallusi ostida tanilgan amerikalik reper, qoʻshiqchi, qoʻshiqnavis va produserdir. Los Angelesda tugʻilib oʻsgan Doja Cat oʻsmirligida qoʻshiqlarini SoundCloud platformasiga joylashtirish orqali musiqadagi karyerasini boshladi. Uning „So High“ nomli ashulasi Kemosabe va RCA Records studiyalari eʼtiboriga tushadi. Buning ortidan Doja Cat ushbu studiyalar bilan shartnoma imzoladi, bu paytda u 17 yoshda edi. Keyinchalik, 2014-yilda ilk mini-albomi — Purrr!ni ommaga havola etdi.

Musiqadagi tanaffusidan soʻng, Doja Cat 2018-yilda ilk studiyaviy albomi boʻlmish Amalani chiqardi. Albomdagi „Mooo!“ singli Doja Catga shuhrat keltirdi. Uning ikkinchi studiyaviy albomi — Hot Pink (2019) ham muvaffaqiyatli boʻldi, jumladan AQSh Billboard 200 chartida yuqori oʻntalikka kirdi. Albomdagi „Say So“ nomli singl esa Billboard Hot 100 chartida choʻqqiga erishdi (keyinchalik, ashulaning Nicki Minaj bilan birgalikda ijro etilgan versiyasi ham chiqarildi). Uchinchi studiyaviy albomi Planet Her 2021-yilda chiqarilib, Billboard 200 chartida uch hafta ketma-ket tarzda 2-pogʻonani band etdi. Albomning „Kiss Me More“ (SZA bilan birgalikda ijro etilgan) va „Need to Know“ singllari musiqiy xit-paradlarda top oʻntalikka kirdi.

Doja Cat TikTok kabi ilovalarda ommalashib ketadigan video kliplar olishi va qoʻshiqlar chiqarishi bilan mashhurdir. U, shuningdek, internetda absurd yumori bilan ham mashhur. Yetti marta Grammy Awardga nomzod boʻlishidan tashqari, Doja Cat karyerasi davomida koʻplab yutuqlarga, jumladan Guinness rekordlar kitobiga kirgan, bir marta Billboard Music Award, besh marta American Music Awards va uch marta MTV Video Music Awardsga sazovor boʻlgan.

Diskografiyasi

Filmografiyasi

Televideniye

Mukofot va nomzodliklari

Manbalar

Havolalar

uz.wikipedia.org