Dmytro Chyhrynskyi
Dmytro Anatoliiovych Chyhrynskyi (talaffuzi: Dmitriy Chigrinskiy; 1986-yil 7-noyabrda tugʻilgan) — ukrainalik professional futbolchi, Gretsiya Superligasining Ionikos klubida markaziy himoyachi sifatida oʻynaydi.
Klublardagi faoliyati
Shakhtar Donetsk
Chyhrynskyi Vyshcha Lihada 2004-yilda, 17 yoshida debyut qilgan. 2005-yilda Ukrainaning Metalurh Zaporizhzhia klubiga ijaraga berildi „Metalurh“dagi muvaffaqiyatli faoliyatidan so‘ng Chyhrynskyini Donetskga qaytarishdi. 2004—2005-yilgi UEFA Chempionlar Ligasida Barcelonaga qarshi oʻyinda zaxiradan maydonga tushdi. 20 yoshida „Shakhtar“da Ukraina kubogi finalida Dinamo Kievga qarshi oʻyinda Matuzalém yoʻqligi uchun unga sardorlik bogʻichi berilgan.
Barcelona
2009-yilning 26-avgustida „Shakhtar“ va „Barcelona“ o‘rtasidagi uzoq muzokaralardan so‘ng Chyhrynskyi transferi bo‘yicha kelishuvga erishildi. Transfer 25 million yevroni tashkil etdi. Chyhrynskyi „Barcelona“ safida sobiq jamoasiga qarshi UEFA Superkubogida oʻynadi. 2009-yil 31-avgustda „Barcelona“ Chihrynskyi tibbiy koʻrikdan oʻtganini va besh yilga shartnoma imzolaganini tasdiqladi. Chihrynskyi „Barcelona“da oʻynagan birinchi ukrainalik futbolchi boʻldi.
2009-yilning 12-sentabr kuni Getafega qarshi oʻyinda (2:0) „Barcelona“ safida debyut qilgan.
Shakhtar Donetskga qaytish
2010-yil 6-iyulda Chyhrynskyi sobiq jamoasi „Shakhtar“ga 15 mln yevro evaziga besh yillik shartnoma imzoladi. 2010-yil 3-noyabrda Chempionlar ligasi doirasidagi Arsenalga qarshi o‘yinda Chyhrynskyi boshi bilan gol urgan.
Chyhrynskyi 2015-yilning 2-fevralida oʻzaro kelishuvga koʻra „Shakhtar“ni tark etdi.
Dnipro
„Shakhtar“ni tark etganidan 7 kun oʻtgach, Chyhrynskyi tekinga Dnipro jamoasiga qoʻshildi va bir yillik shartnoma imzoladi.
AEK Athens
2016-yil 11-iyun kuni Chyhrynskyi Gretsiya Superligasining AEK Athens klubi bilan ikki yillik shartnoma imzoladi. 2017-yilning 26-fevralida AELga qarshi oʻyinda (3:0) birinchi golini kiritdi.
Ionikos
2021-yil 9-sentyabrda Chyhrynskyi Gretsiyaning yangi Superliga klubi Ionikos bilan bir yillik shartnoma imzoladi. 2022-yilning 6-iyulida Ionikos bilan shartnomasini yana bir yilga uzaytirdi.
Xalqaro faoliyati
Chyhrynskyini 2006-yilgi Jahon chempionati terma jamoasiga murabbiy Oleg Blokhin, Serhiy Fedorov jarohati sabab chaqirdi. Jahon chempionatidan oldin, Chyhrynskyi Ukrainaning 21 yoshgacha boʻlgan terma jamoasi bilan 2006-yilgi UEFA U-21 Yevropa chempionatida ikkinchi oʻrinni egallagan. Ukraina terma jamoasi safida Yevro-2008 saralashida asosiy tarkib oʻyinchisi boʻlgan.
Faoliyat statistikasi
Klub
10-aprel, 2022-yil holatiga koʻra[17]
Xalqaro
Manba:[18]
Yutuqlari
Shakhtar Donetsk Barcelona AEK Athens Ukraina U21 Individual Manbalar
uz.wikipedia.org