DISKRETLIK
DISKRETLIK (lotincha discretus — ajratilgan, uzlukli) — 1) muayyan hodisa, jarayon, tizim va boshqalarning uzlukliligi, uziluvchanligi; uzluksizlikka qarama-qarshi qo’yiladi. Masalan, fizika va kimyoda Diskretlik material tuzilishining donadorligini, atomlardan iboratligini bildiradi. Fan tarixi va ijtimoiy hayot Diskretlik bilan uzluksizlikning bir-biriga qarama-qarshiligini emas, balki uyg’unligini, bir-biriga bog’liqligini ham tasdiqlaydi; 2) matematikada — butun sonlar tizimi haqiqiy sonlar tizimiga nisbatan uzlukli (diskret) hisoblanadi. Masalan, agar nuqtalar to’plami limit nuqtaga ega bo’lmasa, bunday to’plam Diskretlik xossasiga ega hisoblanadi.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz