DISKOTEKA

---

DISKOTEKA (disk va Yunoncha theke — joy) — 1) grammofon plastinka (gram-plastinka), kompakt (lazer) disklar (CD) majmui; 2) yoshlar musiqa klubi. Gramplastinka, magnit tasmalariga mexanik tarzda yozilgan ommabop musiqa namunalarini tinglashga nisbat berilgan. Diskoteka dasturini diskjokey (DJ, Di-Jey) tuzadi va sharhlaydi. Diskoteka 1960-yillar boshida Frantsiyada yuzaga kelgan va tez orada butun dunyoda ommaviylashgan. O’zbekistonda Diskotekalar 1970-yillardan yirik shaharlarda tarqala boshladi.

Manba

---

O'zbekiston Milliy Ensiklopediyasi