DIOPSID (Di… va Yunoncha opsis — ko’rinish) — jins hosil qiluvchi mineral. Monoklin piroksenlar guruhining silikata. Monoklin singoniyali. Kimyoviy formulasi CaMg[Si2O6]. Och yashil, kulrang, shishadek yaltiroq. Qattiqligi 5,5—6,0. Zichligi 3,3—3,4 g/sm3. Odatda noto’g’ri shaklli kristallar holida piroksenit, peridotit, gabbro, diabaz, diorit, sienit, kontakt skarnlarida va boshqa otqindi va metamorfik jinslarda uchraydi. O’zbekistonning deyarli hamma tog’laridagi intruziv jinslarda bor. Avstriya, Italiya (Alp tog’lari), Shvesiya (Nordmark), AQSh (Konnektikut shtati), RF (Slyudyanka)da ma’lum.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish