DIASPORA

DIASPORA (Yunoncha diaspora — tarqalish) — Falastindan tashqarida tarqalgan yahudiylar (Bobil asirligi davridan, miloddan avvalgi 6-asr) majmui. Milodning boshlarida Rim saltanatida yashovchi 60 million aholining 10% ni yahudiylar tashkil etgan. Rim davlat organlarida Diaspora ba’zi huquqlarga ega bo’lgan: yahudiy jamoalari faqat imperator dekreti asosidagina tugatilishi mumkin bo’lgan, harbiy majburiyatni o’tashdan va Rimdagi diniy marosimlarda qatnashishdan ozod qilingan. Hozirgi adabiyotda Diaspora deb o’z vatanidan tashqarida yashovchi etnik guruhlarga aytiladi.

Manba

O'zbekiston Milliy Ensiklopediyasi