DEZAVUIRLASH

---

DEZAVUIRLASH (Fransuzcha desavover — rad qilish, ma’qullamaganlikni izhor etish) — xalqaro huquqda o’z vakolatlarini oshirib yuborgan diplomatik yoki boshqa rasmiy vakilning hatti-harakatlari yoxud bayonotlariga davlat yoki hukumat boshlig’ining raddiyasi. Bunda diplomatik vakil topshiriqsiz yoki o’ziga berilgan vakolatlarga xilof ravishda ish kurganligi bayon qilinadi. Bu bilan davlat dezavuirlangan vakilning hatti-harakatlari va ularning siyosiy, xalqaro-huquqiy oqibatlari uchun o’zidan mas’uliyatni soqit qilish maqsadini ko’zlaydi. Dezavuirlangan diplomatik vakil, odatda, o’z hukumati tomonidan chaqirib olinadi.

Manba

---

O'zbekiston Milliy Ensiklopediyasi