DEZAKTIVATSIYA
DEZAKTIVATSIYA (dez… va lotincha activus — ta’sirchan) — radioaktiv zarralar bilan zaharlangan ob’yektlar (suv, oziq-ovqat, kiyim-bosh, tuproq, bino va inshootlar, texnika, qurol-yarog’lar) ni radioaktiv iflosliklardan tozalash; ommaviy shikastlash vositalaridan himoya qilishning bir usuli. Suv maxsus filtrlash (suzish) qurilmalari bilan, texnika maxsus mashinalar va asboblar yordamida yuvuvchi kimyoviy moddalar bilan Dezaktivatsiyalanadi va hokazolar. Dezaktivatsiya samarasi radiometr bilan tekshirib turiladi. Atom elektr stansiyalarida, yadro reaktorlarida falokat yuz berganda, dushman yadro quroli ishlatganda va boshqa favqulodda holatlarda ishlatiladi.
Manba
O'zbekiston Milliy Ensiklopediyasi
Uzpedia.uz