Desna, Chernigov viloyati

Desna (ukraincha: Десна) — Ukraina shimolidagi Chernigov viloyati, Chernigov tumanidagi shahar tipidagi aholi punkti. Unda Ukrainaning aholi punktlaridan biri boʻlgan Desna posyolkasi maʼmuriyati joylashgan. 2001-yilgi Ukraina aholini roʻyxatga olish maʼlumotlariga koʻra aholi punkti 7180 kishi edi. Hozirgi aholi soni esa: 7,353 kishini tashkil etadi. Bu aholi punktidan oqib oʻtuvchi Desna daryosi sharafiga nomlangan.

2020-yil 18-iyulgacha Desna Kozelets tumaniga tegishli edi. Ukrainaning maʼmuriy islohoti doirasida 2020-yil iyul oyida ushbu tuman tugatildi, bu esa Chernigov viloyatining tumanlari sonini beshtaga qisqartirdi. Kozelets tumani hududi Chernigov tumaniga birlashtirildi.

Shaharda Ukraina quruqlikdagi kuchlarining yirik harbiy oʻquv markazi (169-oʻquv markazi) joylashgan. U 2022-yil 17-may kuni Rossiyaning Ukrainaga bostirib kirishi paytida Rossiya kuchlari tomonidan havo hujumiga uchragan, bu bazada joylashgan ukrainalik harbiy xizmatchilarning jiddiy qurbon boʻlishiga olib kelgan. 25-iyun kuni shahar yana ruslar tomonidan qanotli raketalar bilan hujumga uchradi, katta miqdorda vayronagarchiliklar keltirdi, ammo qurbonlar boʻlmagan.

Manbalar

Havolalar

uz.wikipedia.org