DEPORTATSIYA (lotincha deportatio – badarg’a, surgun qilish) — jinoiy yoki ma’muriy jazo chorasi sifatida davlatdan majburan chiqarib yuborish, haydash. Huquqda “Deportatsiya” termini Frantsiya jinoyat qonunchiligiga ko’ra, 18— 19-asrlarda qo’llanilgan surgunning alohida ko’rinishlarini anglatgan. Deportatsiyadan retsidivist jinoyatchilar bilan birga jamiyat uchun nomatlub kishilarni jazolashda foydalanilgan. Ko’pincha u yo bu davlatga g’ayriqonuniy kelib qolgan chet el fuqarolari yoki fuqaroligi bo’lmagan shaxslar Deportatsiya qilinadi. 1920-40 yillardagi ommaviy qatag’onlar davrida sobiq Ittifoqning ko’p xalqlari Deportatsiyaga duchor bo’lgan edi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish