DENTIN

DENTIN (lotincha dens — tish) — suyaksimon pishiq to’qima, tishning asosiy qismini tashkil etadi. Tish koronkasida Dentin emal bilan, bo’yni va ildizida esa tsement bilan qoplangan. Dentin 70-72% mineral tuzlar va taxminan 28% organik moddalardan tarkib topgan. Dentin asosan kollagen tolalar va ular orasidagi amorf moddalardan iborat; moddalar orasida Tome tolalari deb ataluvchi hujayra o’siqchalari joylashgan kanalchalar tarmoklanib ketgan. Dentinda qon tomirlar bo’lmaydi, u kanalchalar va Tome tolalari orqali diffuziya yo’li bilan oziklanadi. Tog’ayli baliqlar tangachasida ham Dentin bor.

Manba

O'zbekiston Milliy Ensiklopediyasi