DENONSATSIYA

DENONSATSIYA (Fransuzcha denouncer — e’lon qilish, uzish), denonsatsiya qilish — xalqaro huquqda ikki tomonlama xalqaro shartnoma amal qilishini to’xtatishning yoki ko’p tomonlama xalqaro shartnomadan chiqishning eng keng tarqalgan usuli. Odatda, shartnomaning o’zida nazarda tutilgan tartib va muddatlarda amalga oshiriladi. Denonsatsiyaga oid umumiy qoidalar xalqaro shartnomalar huquqi to’g’risidagi 1969 yil Vena konventsiyasida bayon qilingan.

Manba

O'zbekiston Milliy Ensiklopediyasi