DENGIZ QOPLONI

DENGIZ QOPLONI (Hydrurga leptonyx) — asl tyulenlar oilasiga mansub dengiz hayvoni. Faqat bitta turi ma’lum. Gavdasining uzunligi 3,5 metr, og’irligi 400 kilogrammgacha, tanasining usti kalta va yaltiroq kumushrang jun bilan qoplangan. Tanasining ostki qismi sarg’ish rangda. Avstraliya va unga yaqin orollarda, Yangi Zelandiya, Antarktida sohillarida yashaydi. Dengiz qoploni baliqlar va mollyuskalar bilan oziqlanadi. Dengiz qoploni kurakoyoklilar orasida suv qushlari va tyulenlarga hujum qiladigan yagona tur hisoblanadi. Soni 800 mingga yaqin. Ovlanmaydi.

Manba

O'zbekiston Milliy Ensiklopediyasi