DENGIZ OTCHALARI

---

DENGIZ OTCHALARI, dengiz toychalari — Nina baliqlar oilasining bir necha urug’i. Uzunligi 4-20 santimetr. Gavdasi shaxmat taxtasidagi otlarga o’xshash, boshi tanasi tomonga egilgan, dum tomoni buralgan. Erkagi dumining keying tomonida chiqarish kamerasi (xaltasi) bor. Kameraga urg’ochilari tuxum qo’yadi. Barcha dengizlarda tarqalgan, 30 ga yaqin turi bor. Qora dengiz Dengiz otchalari (Hippocampus guttulatus) Qora va Azov dengizlarida uchraydi. Bahorda tuxum qo’yadi. Erkagi tuxum xaltasida 100 dan 200 gacha tuxum olib yuradi. Planktonda xayot kechiradi. Suv osti o’simliklari orasida yashaydi, atrof muxit rangiga moslanish — niqoblanish xususiyatiga ega.

Manba

---

O'zbekiston Milliy Ensiklopediyasi