DENGIZ CHO’CHQACHALARI

DENGIZ CHO’CHQACHALARI (Cavia) – cho’chqachalar oilasining bir urug’i. Tanasining uzunligi 35 santimetrgacha, dumi kalta, tashqi tomondan ko’rinmaydi. Orqa oyoq panjasi 3 barmoqli. 5-6 turi bor. Janubiy Amerikada yalangliklarda uchraydi. In kovlaydi yoki boshqa hayvonlar joyini egallaydi. Kechasi va shomda oziqlanishga chiqadi. Yil davomida ko’payadi, 1-4 bola tug’adi. 8 yilga yaqin yashaydi. Dengiz cho’chqachalari (S. porcellus) ni inklar xonakilashtirishgan (go’shti yeyilgan). Yevropaga dengiz ortidan keltirilganligi tufayli Dengiz cho’chqachalari deb atala boshlagan. Laboratoriya hayvonlari. Katta-kichikligi, yungining rangi va tuzilishi bilan bir-biridan farq qiladigan bir qancha zotlari bor.

Manba

O'zbekiston Milliy Ensiklopediyasi