DELISHES
DELISHES — kechpishar olma navi. Amerikadan keltirilgan. Amerika va Yevropa davlatlari (Frantsiya, Italiya, Shveytsariya, Gollandiya, Avstriya, Bolgariya, Ruminiya va boshqalar) bog’dorchiligida yetakchi navlardan hisoblanadi. Daraxti baland, kuchli o’sadi, keng shox-shabbali, shoxchalari mustahkam, novdalari sarg’imtish-ko’kish. Balandligi 6,5—7 metr, bargi o’rtacha, tekis, to’q yashil. Gullari o’rtacha, qirmizi. Aprelning ikkinchi yarmida gullaydi. Simerenko, Renet, Parmen kabi navlar yaxshi changlatuvchi qisoblanadi. Mevasi yirik (150-180 gramm), sirti silliq, sariq-tillarang, eti shirin, xushbo’y, kuvrak, asal hidi keladi. Tarkibida 16,74% quruq modda, 12,7% qand, 0,25% kta mavjud. Sovuqqa chidamli. Mevasi avgust oxiri — sent. boshlarida terib olinadi, yanvargacha saqlash mumkin. Har yili hosil qiladi; ko’chati ekilgandan so’ng kuchsiz payvandtagda 3-4-yili, kuchli o’sadiganlarida 5-6-yili hosilga kiradi. Hosildorligi 100-120 ts/ga. Uzoq joylarga jo’natishga yaroqli. 1950- yillar oxirida O’zbekistonga keltirilgan. Toshkent, Samarqand, Namangan va Qashqadaryo viloyatlariningtog oldi va tog’li mintaqalarida o’stiriladi.
Manba
O'zbekiston Milliy Ensiklopediyasi
Uzpedia.uz