DEKATRON

---

DEKATRON [Yunoncha deka — o’n va (elek) tron] — o’nta katod guruhi bo’lgan ion asbob; o’rtasida anod va katod joylashgan gaz aralashmasi (vodorod, geliy, neon) to’ldirilgan ballondan iborat. Elektr impulslarni hisoblashda va elektr zanjirlarni uzib-ulashda foydalaniladi. Ishi elektr impulsi ta’sirida anod va katod orasidagi gazda vujudga keladigan razryadning bir tomonga — bir katoddan ikkinchisiga (birinchisidan ikkinchisiga, ikkinchisidan uchinchisiga va hokazolar, o’ninchi impulsdan keyin Dekatron dastlabki holatiga qaytadi) siljishiga asoslangan. Dekatron hisoblash va o’lchash texnikasida, yadro va sanoat elektronikasi va boshqalarda qo’llanadi.

Manba

---

O'zbekiston Milliy Ensiklopediyasi