DDT
DDT, dixlordifeniltrixlor-etan (S1S6N4), SNSS13 — insektisid, oqish yoki malla rang kimyoviy modda. Suyuqlanish temperaturasi 74,5—93°. Suvda yomon, spirt, benzol va boshqa erituvchilarda yaxshi eriydi. 170-200°gacha qizdirilganda parchalanib, vodorod xlorid hosil qiladi. Xlorbenzol va kondensatlovchi moddalar, masalan, sulfat kislota, quruq vodorod ftorid ishtirokida xloralni kondensatlash yo’li bilan olinadi. 20-asrning 40-60-yillarida ko’pgina mamlakatlarda, shu jumladan O’zbekistonda ham zararkunanda hasharotlarga qarshi kurashda, shuningdek, bezgak parazitlari (chivinlar)ni yo’qotishda qo’llanilgan. Inson va hayvonlar organizmida to’planishi, atrof-muhitda biologik parchalanishga o’ta chidamliligi, tabiatdagi biologik muvozanatini buzishi sababli rivojlangan mamlakatlar, shu jumladan O’zbekistonda 1970 yildan ishlatish man qilingan.
Manba
O'zbekiston Milliy Ensiklopediyasi
Uzpedia.uz