Davronbek Tojialiyev
Davronbek Tojialiyev (15-fevral, 1984-yil, Margʻilon shahri, OʻzSSR) — oʻzbekistonlik jurnalist, sayohat blogeri, Ziyouz elektron kutubxonasi asoschisi. 2018-yil „Shuhrat“ medali bilan mukofotlangan. Internet-jurnalistika yo‘nalishida xalqaro „Oltin qalam“ Milliy mukofoti sohibi.
Tarjimai holi
Tojialiyev Margʻilon shahridagi 3-oʻrta maktab va „Istiqbol“ gimnaziyasida oʻqigan. 2005-yili O‘zbekiston davlat jahon tillari universitetining xalqaro jurnalistika fakultetini, 2007-yili O‘zbekiston Milliy universitetining jurnalistika fakultetini tamomlagan. Jurnalistika sohasida AQSH, Polsha, Germaniya, Turkiya, Qozog‘iston davlatlarida malaka oshirgan.
Faoliyati
„Maʼrifat“ gazetasi, „Tafakkur“ nashriyotida ishlagan. 2011-yili AQSHda chop etilgan birinchi o‘zbek gazetasi — „Vatandosh“ning bosh muharriri bo‘lgan. 2019—2020-yillarda Sof.uz axborot nashri bosh muharriri boʻlgan. 2004-yildan beri Ziyouz portali bosh muharriri. 100 ga yaqin maqola va tarjimalari matbuotda, 300 dan ortiq materiallari internetda chop etilgan. Maqolalari AQSH, Turkiya, Xitoy, Qozogʻistondagi ilmiy va kundalik nashrlarda chop etilgan.
Ziyouz portalidagi faoliyati
Oʻzbek tilidagi eng katta elektron kutubxona 2004-yili Davronbek Tojialiyev tomonidan yaratilgan. Portaldan 15000 dan ortiq elektron kitob; ilm-fan, adabiyot va tarixga oid 5000 dan ortiq ilmiy-publitsistik material; jadidlar, sovetlar, qayta qurish davri matbuotidan 1500 maqola; 30000 dan ortiq aforizmlar, naqllar, ibratli hikoyatlar; o‘zbek xalq ertaklari (500), maqollari (10000), topishmoqlari; mumtoz va zamonaviy o‘zbek sheʼriyatidan 1000 ijodkorning 15000 sheʼri; o‘zbek nasridan 450 dan ortiq ijodkorning 3000 dan ortiq hikoya, qissa va romanlari; jahon sheʼriyati bo‘yicha 120 millatga mansub 1300 ijodkor qalamiga mansub 15000 sheʼr; jahon nasridan 600 dan ziyod ijodkorning 1700 dan ortiq hikoya, qissa va romanlari; 600 dan ortiq ilmiy-ommabop maqolalar o‘rin olgan. Ziyouz portalining ruscha versiyasiga O‘zbekiston adabiyoti, tarixi va madaniyatiga oid 1500, inglizcha versiyasiga 200 ta maqola joylangan.
Chop etilgan kitoblari
Mukofotlari
2013-yili Internet-jurnalistika yo‘nalishida xalqaro „Oltin qalam“ Milliy mukofotini qo‘lga kiritgan.
2012—2014-yillarda UZ Milliy domeni Internet-festivalining „Fan va taʼlim sohasida Tojialiyev yaratgan eng yaxshi sayt“ yo‘nalishida Ziyouz sayti birinchi o‘rinni egallagan.
2013-yili o‘tkazilgan „Milliy Internet tanlovi“ — MIT.Uzda Tojialiyev yaratgan Ziyouz sayti g‘olib bo‘lgan.
2017-yili Qozogʻiston Respublikasi Milliy akademik kutubxonasining „Kitapxana isinin sheberi“ (qozoqcha: Кітапхана ісінің шебері; tarjimasi „Kutubxona ishining ustasi“) medali bilan taqdirlangan.
2013—2014-yillarda Germaniya hamda AQSH elchixonalari tomonidan o‘tkazilgan jurnalistlar ijodiy tanlovlarida g‘olib bo‘lgan.
Manbalar
Havolalar
uz.wikipedia.org