DAVLETSHIN MUHAMMAD GABDULGALIMOVICH

DAVLETSHIN MUHAMMAD GABDULGALIMOVICH (1923.11.11, Orenburg shahri) — psixolog olim, O’zbekistonda xizmat ko’rsatgan fan arbobi (1975), psixologiya fanlari Doktori (1972), professor (1972). Nizomiy nomidagi Toshkent pedagogika institutini tugatgan (1952). 1956 yildan shu institutda katta o’qituvchi, keyinchalik dotsent, o’quv ishlari bo’yicha prorektor (1957-68), psixologiya kafedrasining mudiri (1968-2001), kafedra professor (2001 yildan). Ilmiy ishlari umumiy, pedagogik psixologiya, yosh psixologiyasi, ijtimoiy psixologiya muammolariga bag’ishlangan. “Shuhrat” medali bilan taqdirlangan (1994). As: ijtimoiy psixologiya muammolari va ularni odamlar bilan ishlashda qo’llash, T., 1990; qadimgi Sharq davlatlarida psixologik fikrlarning rivojlanishi, T., 1995.

Manba

O'zbekiston Milliy Ensiklopediyasi