Davlatga xoinlik qilish
Davlatga xoinlik qilish — mohiyatiga koʻra sotqinlik harakati.
OʻzR fuqarosi tomonidan josuslik, chet el davlatiga, chet el tashkilotiga yoki ularning vakillariga davlat sirlarini yetkazish yohud OʻzRga qarshi dushmanlik faoliyati olib borishda boshqacha yordam koʻrsatish yoʻli bilan Davlatga xoinlik qilish yaʼni OʻzRning suvereniteti, hududiy daxlsizligi, xavfsizligi, mudofaa salohiyati, iqtisodiyotiga zarar yetkazgan xolda qasddan sodir etilgan qilmish uchun OʻzR JKning 157 — m.sida jinoiy javobgarlik oʻrnatilgan.
Davlatga xoinlik qilish OʻzR fuqarosi va chet el davlati yoki tashkilotining vakillari bilan birgalikdagi OʻzRga qarshi maxsus ishtirokchiligini ifoda etadi. Davlat yoki tashkiloti tomonidan OʻzRga qarshi qaratilgan davlatga zarar yetkazuvchi faoliyatni amalga oshirishda xamkorlik qilish uchun jalb qilingan OʻzRning fuqarosi oʻzining bunday xamkorligi toʻgʻrisida xokimiyat organlariga ixtiyoriy ravishda arz qilsa, uning faoliyati respublika manfaatlariga zarar yetkazmagan boʻlsa, javobgarlikdan ozod qilinadi.
Basharti, OʻzR fuqarosi, oʻz qilmishi toʻgʻrisida xokimiyat organlariga ixtiyoriy ravishda xabar qilib, jinoyatni ochishga faol yordam bergan va buning natijasida davlat uchun kelib chiqishi mumkin boʻlgan ogʻir oqibatlarning oldi olingan boʻlsa, jazodan ozod qilinadi.
Manbalar
uz.wikipedia.org