Davinson Sanchez
Davinson Sanches Mina (1996-yil 12-iyunda tug'ilgan) - kolumbiyalik professional futbolchi, Premier Liganing "Tottenxem" klubi va Kolumbiya terma jamoasi markaziy himoyachisi.
Dastlab América de Cali yoshlar akademiyasi orqali kelganiga qaramay, Sanches Medellinga ko'chib o'tdi va 2013-yilda Atletiko Nasional klubi safida professional debyutini amalga oshirdi. U Nacional bilan ishlagan vaqtida to'rtta ichki chempionat, ikkita Kolumbiya kubogi, Superliga Kolumbiya va Libertadores kubogini qo'lga kiritdi. Sanches 2016-yilda Yevropa futboliga ko'tarildi va Erediviziya jamoasi AFC Ayaks safiga qo'shildi. Klubdagi birinchi mavsumida u " Ayaks" safida yilning eng yaxshi futbolchisi sovrinini qo'lga kiritdi va 2017-yilda UEFA Yevropa ligasi finaliga chiqdi. Sanches 2017-yilda "Tottenxem Hotspur"safiga rekord summa (42 million funt sterling) evaziga borib qo'shildi, bu rekord 2019-yilda "shporlar" bilan shartnoma imzolagan Tanguy Ndombéle tomonidan yangilandi.
Yoshlar futbolida Sanches 2013-yilgi Janubiy Amerika U-17 chempionatida Kolumbiya safini himoya qildi va 2015-yilgi Janubiy Amerika U-20 chempionati va 2015-yilgi FIFA U-20 Jahon chempionatida ishtirok etgan Kolumbiya terma jamoasi tarkibiga ham chaqirildi. U 2016-yilda Kolumbiya terma jamoasi safida debyut qilgan va ikki marta Amerika kubogi va 2018-yilgi FIFA Jahon chempionatida mamlakati safini himoya qilgan.
Klubdagi faoliyati
Atletiko Nacional
Yoshligida Sanches América de Cali yoshlar akademiyasida o'ynagan, so'ngra, u Atletiko Nasionalga klubi safiga o'tgan va u yerda Xuan Karlos Osorio qo'li ostida tarbiyalangan. Himoyachi 2013-yilning 27-oktabr kuni "Boyaka Chiko”ga qarshi o‘yinda (0:1) kattalar jamoasida debyut qilgan. Osorio futbolchini asosiy tarkibga kiritdi va u butun uchrashuvni maydonda o'tkazdi.
2016-yilning 2-martida Sanches Libertadores kubogi doirasida Peru klubi “Sporting Kristal” ustidan 3:0 hisobida g‘alaba qozonib, “Nasional” safidagi ilk golini kiritdi. U "Nacional"dagi o'yinlari tufayli "Barselona", "Flamengo" va "Ayaks" kabi xorijiy klublar e'tiboriga tushdi. "Barselona" futbolchini o'z safiga qo'shib olish uchun rasmiy taklif bilan chiqdi, biroq Sanches bu taklifni rad etdi, chunki "Barselona B" safida o'ynashni istamadi. U 2016-yilgi Libertadores kubogida Ekvador Independiente del Vallega qarshi bahsda g'alaba qozondi.
Ayaks
2016-yil iyun oyida, Sanches Gollandiyaning "Ayaks" klubi bilan 2021-yilgacha mo'ljallangan besh yillik shartnoma imzoladi. Bir necha kun oldin "Ayaks" Sanchesning vatandoshi Mateo Kasyerani o'z safiga qo'shib oldi va shu tariqa uni jamoadagi ikkinchi kolumbiyalik futbolchiga aylantirdi. Sanches yangi jamoasiga, Nacional Libertadores kubogidagi ishtirokini tugatgandan so'ng qo'shildi. Sanches 13- avgust kuni Roda JC Kerkrade bilan 2:2 hisobidagi durang o'yinda "Ayaks" safidagi debyutini amalga oshirdi. Uning klubdagi birinchi goli 24-sentabr kuni PEC Zvolle klubiga qarshi o'yinda kiritildi. 2017-yil 8-may kuni u “Ayaks” safida mavsumning eng yaxshi futbolchisi deb topildi.
Tottenxem Hotspur
2017-yilning 18-avgust kuni, Premer-liganing “Tottenxem” klubi Sanchesni 42 million funt sterlingga sotib oldi va 6 yillik shartnoma imzoladi. U 27-avgust kuni "Byornli" bilan 1:1 hisobidagi durang o'yinda 92-daqiqada Musa Dembele o'rniga maydonga tushib, o'z debyutini o'tkazdi.
2018-yilning 15-mayida, Sanches “Tottenxem” bilan 2024-yilgacha bo'lgan yangi shartnoma imzoladi.
2019-yilning 10-fevralida, Sanches Premer-liganing “Lester Siti”ga qarshi o‘yinida “Tottenxem” safidagi ilk golini urdi.
2019-yil 1-iyun kuni, Sanches 2019-yilgi Chempionlar Ligasi finalida “Liverpul”ga qarshi o‘yinda maydonga tushgan edi.
2021-yil 11-fevralda, U Angliya kubogining 2020-21-yilgi mavsumida"Everton" ga qarshi 5-raund o‘yinida ikkita gol urdi, biroq jamoa qo‘shimcha bo‘limlarda 5:4 hisobida mag‘lubiyatga uchradi.
Xalqaro faoliyati
Kolumbiya terma jamoasi bosh murabbiyi Xose Pekerman 2016-yilning fevral oyida Sanchesni Kolumbiya terma jamoasi safiga qabul qildi. 2022-yil 26-avgustda, u Kolumbiya terma jamoasining JCh-2018 saralashida Venesuela va Braziliyaga qarshi o'yini uchun qaydnomaga kiritildi. 19 noyabr kuni esa Sanches Argentinaga qarshi o'yinda debyut qildi.
2018-yil may oyida, u Kolumbiyaning 2018-yil Rossiyada bo'lib o'tadigan futbol bo'yicha Jahon chempionati uchun dastlabki 35 kishilik tarkibiga kiritildi. Iyun oyida esa 2018-yilda Rossiyada bo‘lib o‘tadigan futbol bo‘yicha Jahon chempionati uchun 23 kishilik qaydnomaga ham qabul qilindi. U guruhdagi uchta o'yinda va Angliyaga qarshi 1/8 final o'yinida maydonda harakat qildi.
2019-yil iyun oyida, u 2019-yilgi Amerika Kubogidagi to'rtta o'yinning uchtasida maydonga tushdi. Jamoa chorak finalda Chiliga qarshi o‘yinda penaltilar seriyasida mag‘lub bo‘ldi.
2021-yil 10-iyun kuni Sanches Reinaldo Ruedaning 2021-yilda Braziliyada bo‘lib o‘tadigan Amerika Kubogi uchun 23 kishilik tarkibiga kiritildi. U Kolumbiyaning barcha o'yinlarida qatnashdi, chunki jamoa uchinchi o'rin uchun kechgan bahsda Peruni 3:2 hisobida mag'lub etib, bronza medalini qo'lga kiritdi.
2022-yil 19-noyabrda Sanches Paragvayga qarshi o‘rtoqlik o‘yinida (2:0) o‘zining terma jamoadagi ilk golini kiritdi.
Faoliyatidagi statistikasi
Klub
2022-yilning 12-noyabrigacha bo'lgan o'yinlar[32]
Xalqaro
2022-yilning 19-noyabrigacha bo'lgan o'yinlar [33]
Ballar va natijalar ro'yxati birinchi bo'lib Kolumbiyaning gollari soni, hisoblar ustuni esa Sanchesning har bir golidan keyin hisobni ko'rsatadi.
Yutuqlar
Atletiko Nacional Ayaks Tottenxem Hotspur Kolumbiya U23 Shaxsiy yutug'i Manbalar
Havolalar
uz.wikipedia.org