David Saint-Jacques
David Saint-Jacques (talaffuzi: David Sent Jak 1970-yil 6-yanvarda tugʻilgan) Kanada kosmik agentligi (CSA) astronavti. U, shuningdek, astrofizik, muhandis va shifokor.
2018-yil dekabr oyida u Xalqaro kosmik stansiyaga 57, 58 va 59 -ekspeditsiyalarda parvoz muhandisi sifatida uchdi; u 2019-yil 25-iyun kuni yerga qaytdi.
Astronavt faoliyati
David 2009-yil may oyida Kanada Kosmik Agentligi (CSA) tomonidan 5351 nomzoddan biri sifatida tanlandi. DavidHyustonga koʻchib oʻtdi va NASA 20-chi astronavtlar sinfining 14 a’zosidan biri boʻldi. David ilmiy va texnik brifinglar, Xalqaro kosmik stansiya tizimlari boʻyicha intensiv oʻqitish, transportdan tashqari faoliyat (EVA), robototexnika, fiziologik tayyorgarlik, T-38 uchish mashgʻulotlari, rus tili va va choʻlda omon qolish boʻyicha mashgʻulotlarni oʻz ichiga olgan Astronavt nomzodlarini tayyorlash kursini tamomlagan. Oʻqishni tugatgandan soʻng u Astronavtlar idorasining robototexnika boʻlimida ish boshlagan.
NEEMO 15
2011-yil 19-sentabrda NASA Davidni 2011-yilning 17–30-oktabr kunlari NEEMO 15 dengiz osti tadqiqot missiyasining Aquarius suv osti laboratoriyasida akvanavt sifatida xizmat qilishini eʼlon qildi. Boʻronli ob-havo va ochiq dengiz tufayli missiya, muddatidan sal kechroq 2011-yil 20-oktyabrda boshlandi. 21-oktabr kuni tushdan keyin David va uning ekipajdoshlari suv ostida 24 soatdan koʻproq vaqt oʻtkazgan holda rasman akvanavtlar boʻlishdi. NEEMO 15 26-oktabr kuni, Rina toʻfoni yaqinlashayotgani tufayli, muddatidan oldin tugatildi.
2016-yil may oyida Saint-Jaques ISS 58/59 ekspeditsiyasi aʼzosi sifatida tanlandi, Parvoz 2018-yil noyabr oyida boshlanishi rejalashtirilgan.
2018-yil 3-dekabrda Saint-Jaques komandir Oleg Kononenko va hamkasbi, bort muhandisi Anne McClainbilan birga Soyuz MS-11 bortida XKSga uchd. Keyinchalik Saint-Jacques, Kononenko va McClain bilan 2019-yil 14-martda Soyuz MS-12 kemasining kelishi bilan 59-ekspeditsiyaga otlandilar.
2019-yil 8-aprelda Saint-Jacques oʻzining birinchi koinot EVA ni oʻtkazdi. Saint-Jacques EVAda qatnashgan toʻrtinchi kanadalik astronavt boʻldi. Kosmik yurish taxminan yetti soat davom etdi.
Saint-Jacques, McClain va Kononenko 2019-yil 24-iyun kuni “Soyuz MS-11” bortida yerga qaytishdi.
Shaxsiy hayoti
Saint-Jacques Quebec shahrida tugʻilgan va Monrealda oʻsgan. Saint-Jacques doktor Veronic Moringa uylangan va uch farzandi bor. U boʻsh vaqtlarida alpinist, sayyoh, velosipedchi, changʻichi va dengizchilik bilan shugʻillangan.. U tijorat uchuvchi litsenziyasiga ham ega boʻlgan. Saint-Jacques fransuz va ingliz tillarini yaxshi biladi, rus, ispan va yapon tillarini asosiy tushunchalariga ega edi.
Manbalar
uz.wikipedia.org