David Raya
David Raya Martin (1995-yil 15-sentabrda tugʻilgan) — ispaniyalik professional futbolchi, Premier Liganing "Brentford " klubi va Ispaniya terma jamoasida darvozabon sifatida oʻynaydi. U oʻzining faoliyatini „Blackburn Rovers“ jamoasida boshlagan va 2019-yilda Brentfordga tarkibiga qoʻshilgan.
Jamoalardagi faoliyati
Blackburn Rovers
Kataloniyaning Barselona shahrida tugʻilgan Raya oʻz faoliyatini vatani Ispaniyada, futzal oʻyinchisi (darvozabon) sifatida boshlagan. Keyinchalik u 2012-yil iyul oyida Blekbern Roversga qoʻshilish uchun Angliyaga koʻchib oʻtadi. U klub akademiyasida tahsil oladi va 2014-yilning 26-fevralida professional shartnoma imzolaydi. Raya 2014-15-yilgi mavsumning birinchi yarmida Conference Premer ligasi klubi Sauthportda toʻrt oylik ijaradagi davrida oʻzining birinchi katta tajribasini oladi va jami 24 ta oʻyinda maydonga tushadi. Ewood Parkga qaytganidan soʻng, u mavsum oxirida chempionatda ikkita oʻyin oʻtkazadi va 2015-yil aprel oyida yangi uch yillik shartnoma imzolaydi.
2015-16 va 2016-17-yilgi mavsumlarida atigi 13 ta oʻyin oʻtkazganiga qaramay, Raya Roversning Jason Steeledan keyingi asosiy tarkib darvozaboni boʻlgan. U 2017-18-yilgi mavsumda 47 ta oʻyinda maydonga tushadi va klubning chempionatga qaytishiga yordam beradi. U 2018-19-yillar davomida asosiy tarkibdagi oʻrnini saqlab qoladi va 46 ta oʻyinda maydonga tushadi. Raya Rovers jamoasi tarkibida umumiy hisobda 108 ta oʻyinda maydonga tushib, 2019-yilning iyul oyida jamoani tark etadi.
Brentford
2019-yilning 6-iyulida Raya Chempionship klubi Brentford bilan 3 million funt sterling evaziga to‘rt yillik shartnoma imzolaydi. Raya jamoasi bilan 2020-yilgi chempionat pley-off bosqichida Fulham jamoasiga qarshi final uchrashuvida magʻlubiyatga uchraydi va ushbu mavsum umumiy hisobda 49 ta oʻyinda maydonga tushadi.
Jarohat olganligi va transferlar haqidagi mish-mishlar sababli Raya 2020-2021-yilgi mavsum oldidan bosh murabbiy Tomas Frankning eʼtiboridan chetda qolib ketadi. Ikki marta EFL kubogida o‘ynab, jamoa sardori darajasiga koʻtarilganidan so‘ng, 2020-yilning 2-oktyabrida yangi to‘rt yillik shartnoma imzolaydi. Raya 2020-2021-yilgi mavsumdagi 48 ta oʻyinning 17 tasida maydonga tushadi.
Raya 2021-2022-yilgi Premer-liga o‘yinlarini asosiy tarkib darvozaboni sifatida boshlaydi va 2021-yil 24-oktabrda „Leicester City“ga qarshi kechgan uchrashuvda orqa xochsimon bog‘lamidan jarohat oladi. U 2022-yilning 10-yanvarida ochiq havodagi mashg‘ulotlarga qaytadi va 1-fevralda „Everton“ga qarshi o‘rtoqlik oʻyinida maydonga tushadi.
Xalqaro faoliyati
Ispaniyaning yoshlar darajasidagi terma jamoalaridan chaqiruv ololmagan Raya 2022-yil mart oyida birinchi marta kattalar jamoasining o‘rtoqlik o‘yinlari uchun chaqiruvni qo‘lga kiritadi. U 26-mart kuni Albaniyaga qarshi kechgan oʻyinda birinchi oʻyinini oʻtkazadi. Raya 2022-yil iyun oyida Ispaniya terma jamoasining 2022-2023-yilgi UEFA Millatlar Ligasi A o‘yinlariga ikkinchi chaqiruvini oladi va undan keyingi to‘rtta o‘yinning barchasida zaxira oʻrindigʻida qolib ketadi.
Faoliyatining statistikasi
Klub
Xalqaro
Yutuqlari
Blackburn Rovers Brentford Individual Manbalar
uz.wikipedia.org