David Clarkson
David Clarkson (talaffuzi: Devid Klarkson) (1984-yil 31-martda tugʻilgan) — kanadalik professional xokkey murabbiyi va sobiq xokkeychi. Hozirda David Clarkson Elit xokkey ligasida „U16 Colorado Thunderbirds“ xokkey jamoasining bosh murabbiyi sifatida faoliyat olib bormoqda.
Oʻyin faoliyati
Oʻsmir
Yoshligida David Clarkson 1998-yilda Quebec Xalqaro Pee-Wee xokkey turnirida „Toronto Marlboros“ kichik xokkey jamoasi bilan oʻynagan edi. Shundan soʻng, David Clarkson Ontario xokkey ligasining (OHL) „Belleville Bulls“ xokkey jamoasiga qoʻshildi. David Clarkson klub tomonidan 2002-yil 6-oktyabrda OHLning „Kitchener Rangers“ xokkey jamoasi aʼzosiga evaziga almashtirildi. David Clarkson „Rangers“ klubi safida uch mavsum o‘tkazdi. Bu davrda David Clarkson klub safida 2003-yilgi Memorial kubogini qo‘lga kiritd.
Professional
David Clarkson 2005-yil 12-avgustda „New Jersey Devils“ xokkey klubi bilan erkin agent sifatida shartnoma imzoladi. Shundan soʻng, David Clarkson sentyabr oyida 2005—2006-yilgi AHL mavsumi uchun Amerika xokkey ligasining (AHL) „Albany River Rats“ xokkey jamoasi safiga yuborildi.
David Clarkson NHLdagi ilk oʻyinini 2007-yil 15-martda „Carolina Hurricanes“ xokkey klubiga qarshi safarda oʻtkazdi. David Clarkson NHLdagi birinchi golini bir oʻyindan soʻng, oʻz uyida „Carolina Hurricanes“ xokkey klubiga qarshi uchrashuvda (7:2 hisobida magʻlubiyat) darvozabon John Grahame darvozasiga kiritdi. David Clarkson 2007—2008-yilgi mavsumda klub tarkibida 81 oʻyinda maydonga tushib, 22 ochko jamgʻardi. 2008-yil 1-iyul kuni cheklangan erkin agent sifatida David Clarkson ikki yilga klub bilan (yiliga 800 000 dollarlik) yangi shartnoma imzoladi. David Clarkson 2008—2009-yilgi mavsumda 82 ta oʻyinda maydonga tushib, 17 ta gol urishga muvaffaq boʻldi.
Shaxsiy hayoti
David Clarkson Ontario shtatining Etobicoke shahrida tugʻilgan. David Clarkson va uning rafiqasi Brittneyning besh farzandi bor – uch qiz va ikki oʻgʻil. Oila Kolorado shtatidagi Castle Pines shahrida istiqomat qiladi. David Clarkson 2017-yilda Ohio shtati Arlington shahridagi Arlington oʻrta maktabi xokkey jamoasi uchun yordamchi murabbiy sifatida ishga kirdi. Keyingi yili u bosh murabbiy lavozimini egalladi.
Manbalar
uz.wikipedia.org