David Barstow

David Barstow (talaffuzi: Devid Barstov; 1963-yilda tugʻilgan) — amerikalik jurnalist va professor. 1999-yildan 2019-yilgacha The New York Times gazetasida muxbir sifatida faoliyat yuritgan. Barstow yakka tartibda va jamoaviy tarzda jami toʻrt karra Pulitzer mukofotiga sazovor boʻlgan. U bu mukofot tarixida 4 karra gʻolib boʻlgan birinchi muxbir edi. Barstow 2019-yilda UC Berkeley Oliy Jurnalistika fakultetiga tergov jurnalistikasi professori bo'lib ishga kirdi.

Hayoti

Barstow Bostonda tugʻilgan. U 1986-yilda Shimoli-gʻarbiy universitetining Medill jurnalistika maktabida jurnalistika boʻyicha bakalavr darajasini olgan.

Faoliyati

Barstow Floridadagi St. Petersburg Times gazetasida ishlagan va u yerda 1997 va 1998-yillarda sarhisob maqolalari uchun uch karra Pulitzer mukofotining finalchisi boʻlgan. U St. Petersburg Times gazetasida ishlagandan soʻng, 1999-yildan 2019-yilgacha The New York Times gazetasida ishlagan va 2002-yildan buyon u yerda tergovchi muxbir boʻlib faoliyat yuritmoqda. U, shuningdek, Rochester Times-Union va Green Bay Press-Gazettelarda ham ishlaydi.

The New York Times

The New York Times 2004-yilda Davlat xizmati uchun Pulitzer mukofoti bilan taqdirlangan boʻlib, unda „David Barstow va Louell Bergmanning amerikalik ishchilar oʻrtasidagi oʻlim va jarohatlarni tinimsiz tekshirgan va asosiy xavfsizlik qoidalarini buzgan ish beruvchilarni fosh qilgan ishlari“ haqidagi maqolalari eʼtirof etilgan.

2009-yilda Barstow oʻzining qanday qilib nafaqaga chiqqan generallar radio va televideniega analistlari sifatida ishlaganlari va ularning Pentagon tomonidan Iroqdagi urush haqida maʼlumot yigʻish uchun tanlagani, necha nafari oʻzlari himoya qilgan siyosatdan foyda koʻrayotgan kompaniyalar bilan aloqalari oshkor boʻlgani haqidagi uzluksiz xisobotlari uchun Pulitzerning "Tergov axborotlari uchun" mukofotiga sazovor boʻldi.

Barstow va Alejandra Xanik fon Bertrab 2013-yilgi tergov reportaji uchun Pulitzer mukofoti va biznes jurnalistikasi boʻyicha Jerald Loeb mukofoti bilan taqdirlandi.

Barstow 2019-yilda Suzan Kreg va Russ Battner bilan Donald Tramp va uning oilasi taxminan yarim milliard dollar soliq to‘lamaslik uchun qo‘llagan usullari haqidagi tahliliy chiqishi uchun Pulitzer mukofotini qoʻlga kiritdi.

Biblografiyasi

Manbalar

Havolalar

Andoza:GeraldLoebAward Investigative

uz.wikipedia.org