David Ajiboye
David Ibukun Ajiboye (talaffuzi: Devid Ibukun Ajiboyi) (1998-yil 28-sentyabrda tugʻilgan) — angliyalik professional futbolchi, Angliyaning „Birinchi liga“ klubi „Peterborough United“da hujumchi sifatida oʻynaydi.
Bromleyda tugʻilgan Ajiboye 2015-yilda „Brighton & Hove Albion“ klubiga qoʻshildi va 2017-yilda „Worthing“ klubiga ijaraga oʻtdi. U 2018-yil yozida „Brighton“ tomonidan qoʻyib yuborildi, chunki u klub uchun maydonga tusha olmadi va sobiq ijara klubi Worthingga qoʻshildi. Worthingdagi bir mavsumdan soʻng u „Milliy liga“ning „Sutton United“ jamoasiga qoʻshildi va 2021-yilda klub bilan „Ikkinchi liga“ga koʻtarildi.
Faoliyati
Aljiboye Bromley shahrida tugʻilgan, 2015-yilda ikki yillik Brighton & Hove Albion bilan shartnoma imzoladi, U 2017-yilda „Istmian Liga Premyer-divizioni“da Worthingda ijarada oʻynagan va u yerda 2 ta oʻyinda maydonga tushgan edi. U „Brighton & Hove Albion U21“ uchun „Angliya Futbol ligasi“da debyut oʻyinida 2017-yil 29-avgustda „Milton Keynes Dons“ga qarshi oʻynadi. 2018-yil yanvar oyida u „Millwall U23“ga mavsumning qolgan qismida ijara asosida qoʻshildi. U 2018-yil yozida „Brighton“ tomonidan qoʻyib yuborildi va koʻp oʻtmay sobiq „Worthing“ klubi bilan shartnoma imzoladi. U 2018\2019-yilgi mavsumda Worthing uchun 45 oʻyinda 21 ta gol urdi.
Sutton United
2019-yilning yozida Ajiboye „Milliy liga“ning „Sutton United“ klubi bilan shartnoma imzoladi. U 2019\2020-yilgi mavsumda 37 ta oʻyinda 4 ta gol urdi, bu mavsum „COVID-19 pandemiyasi“ tufayli muddatidan oldin yakunlandi. Sutton United 2020\2021-yilgi mavsum oxirida „Milliy liga“ chempioni sifatida „Ikkinchi liga“ga koʻtarildi, Ajiboye oʻsha liga davomida 5 marta gol urgan. 2021-yilning 29-iyunida Ajiboye klub bilan yangi shartnoma imzolagani, uning oldingi shartnomasi tugash arafasida ekanligi maʼlum boʻldi. U 2020\2021-yilgi mavsumda „Milliy liga“ning eng yaxshi jamoasi aʼzosi deb topildi.
U 2021-yilning 7-avgustida „Forest Green Rovers“ga qarshi o‘yinda (2:1) „Ikkinchi liga“da debyut qilgan. U mavsumdagi ilk golini 2021-yil 28-avgust kuni „Oldham Athletic“ga qarshi o‘yinda (2:1) kiritdi.
Peterborough United
2022-yil 22-iyun kuni Ajiboye „Birinchi liga“ klubi „Peterborough United“ klubi bilan uch yillik shartnoma imzoladi.
Faoliyat statistikasi
Klub
Manbalar
uz.wikipedia.org