Dave Scatchard
Dave Scatchard (talaffuzi: Deyv Skatchard, 1976-yil 20-fevralda tugʻilgan) — kanadalik isteʼfodagi professional xokkeyning markaziy oʻyinchisi. U Kanada Milliy Xokkey Ligasining (NHL) Vancouver Canucks, New York Islanders, Boston Bruins, Pheonix Coyotes, Nashville Predators va St. Louis Blues jamoalarida oʻynagan. 2011-yil 22-avgustda u Twitterda nafaqaga chiqqanini eʼlon qilgan. Scatchard Alberta shtatining Hinton shahrida tugʻilgan, ammo Britaniya Kolumbiyasining Salmon Arm shahrida oʻsgan.
Jamoalardagi faoliyati
Scatchard Gʻarbiy Xokkey Ligasining (WHL) Portland Winter Hawks jamoasida oʻynagan. Vancouver Canucks jamoasi uni 1994-yilgi NHL draftida 42-oʻrinda jamoa tarkibiga tanlagan. U professional oʻyinchi sifatida oʻzining birinchi yilini Amerika Xokkey Ligasidagi (AHL) Vancouverning kichik liga filiali Syracuse Crunch jamoasi bilan oʻtkazgan. Scatchard 1997—1998-yilgi mavsumda NHLdagi debyutini oʻtkazgan va mavsum davomida 24 ochko toʻplagan. Scatchard Islanders jamoasi bilan toʻrt yarim mavsum oʻynagan va 2002—2003-yillarda 45 ball toʻplagan. 2005-yil 18-noyabrda Islanders jamoasi himoyachi David Tanabe evaziga Pheonix Coyotesga transfer qilgan. 2006—2007-yilda Scatchard mavsumning soʻnggi 32 oʻyinida kontuziya boʻlganligi tufayli maydonga tusha olmagan va 45 oʻyinda 8 ochko toʻplagan.
2007-yil 15-noyabrda Scatchard Nashville Predators jamoasining AHLdagi filiali Milwaukee Admirals bilan sinov shartnomasiga imzo chekkan.
Keyinchalik Scatchard miya chayqalishi bilan bogʻliq muammolar tufayli taʼtilga chiqqan. 2009—2010-yilgi mavsum oldidan u Vancouver Canucksning mashgʻulot yigʻiniga taklif qilingan. Doimiy mavsum boshlanganidan koʻp oʻtmay, Scatchard Predators tashkiloti bilan bir yillik shartnoma imzoladi.
2010-yil 3-avgustda yana erkin agent boʻlgan Scatchard St. Louis Blues bilan bir yillik shartnoma imzolagan.
Faoliyat statistikasi
NHLdagi faoliyat statistikasi
AHLdagi faoliyat statistikasi
Manbalar
uz.wikipedia.org